مبدئيا انا مش هقول ان محمد عنده حق لان من كتير ما شوفت الغلط والناس شايفنه مش غلط افتكرت اغنيه جامده جدا لمدحت صالح بتقول ربك يزماني يمكاني ياواني انا عاوز اعيش في كوكب تاني فيه لسه اماني
فيه الانسان لسه انسان عايش للتاني
وطبعا الانسان ده اختفي او انقرض ويمكن لو كان فيه يعني حد موجود هينظم لعالم المجانين ومش هقول مكتئبه لأنه شئ اصبح لايفيد هقول انا اقر واعترف بان لو هذا هو الجنان انا اشد البشر جنان وساكون حمله من باقي المجانين لنشر الجنان في الارض بس يارب لما نحكي المواقف التحفه اللي بنشوفها تاكدوا اننا مجانين بس بمفهومنا وسوري انا ماليش تجارب سابقه في كتابه المدونات فاعذورني

هو انا طبعا جديد فى عالم التدوين ده,صحيح بقالى حوالى 5 شهور بس برضه جديد
المهم كل ما اقابل او اكلم وئام صديقتى الاقيها مكتئبة من وضع غلط او حاجة بتحصل و الناس ساكتين عليها
و لما تحكيلى اكتئب انا كمان طبعا
لغاية ما بقيت انا و هى لما نتكلم فى موضوع من المواضيع دى نبقى عاملين زى المجانين
نعترض على وضع غلط و الناس كلها بتشارك فيه يقولوا مجانين
نستغرب من حاجة حرام بتتعمل مع ان غيرنا يستحلها يقولوا مجانين
لنا حد يشوفنا مهمومين بمشاكل البلد برضه يقولوا مجانين
لغاية ما بقتش عارف مين اللى عاقل و مين اللى مجنون
بس وصلت انا و هى ان مش مهم عاقلين ولا مجانين,
المهم اننا نبقى متأكدين اننا صح و مقتنعين باللى بنعمله
و عليه انا و هى هنحكى فى المساحة دى كل حاجة الناس بتحصل و تبقى عادى للناس
و بسببها يقولوا علينا مجانين
عموما, مجانين واقفين احسن من عاقلين منحنيين